قررت أن لا اكتب ما حدث معي اليوم في المطار لكن نفسي أبت..
تنزيل الحقائب , دخول المكتب الخاطئ , وشخص برتبة ما و دون النظر في وجهك "روح عل المبنى الثاني"( طيّب) تبدأ رحلة الحقائب مرة أخرى في المبنى الثاني...
سعر فنجان القهوة من ماكينة "ماشي حالها" ثلاثة دنانير!! ليش؟؟ تساءلت؟ الجواب واضح : هاي هيك حقها و سرنا عاملينها, كمان (طيّب) .. عند الجوازات و البوردنج سئلت حضرتك في أي بي؟؟؟ الجواب : لا! طيب انطلق الى المبنى الثاني الذي يمتلك الطريق الحلزوني لان الطريق المستقيم بس لل في أي بي !! كمان (طيّب)... عند التفتيش دور من البشر استغرق تفتيشهم 15 دقيقة و أجا دوري.... اشلح حزامك , اشلح طاقيتك , اشلح السناسيل و الأساور و الخواتم و هات اللي ب اجرك ارفع بلوزتك افتح شناتيك وجهك للحيط افتح اجريك ارفع أيديك و بدوا يفتشوا كل شي لحال ... (طيّب)....أربعة رجال و لمدة 15 دقيقة "نعفوا" كل سم من أشيائي و أجزائي و كللو ممنوع!!!
أخبرتهم أني سافرت لأكثر من 10 مرات و هذه أول مرة بسير معي هيك!! منتظرا إجابة,,, أكملوا عملية النعف و التعليق و "كثر الحكي"....
استجواب:
س: شو بتشتغل؟
ج:في التامين...
س: وين ساكن ب عمان ؟؟ _ هذا سؤال لاكتشاف الحالة الطبقية اللي انت منها و عليها تبنى أسئلة جديدة_
ج: الاشرفية...
س: وين رايح بالإمارات ؟؟ دبي؟؟ _على أساس انو دبي بتلم هالاشكال_
ج: أبو ظبي
س: وقبل ما يسال قلت للو أنا زلمة كنت ب أميركا و مقيم هناك وما عمرها صارت معي عندهم و هاي كل أوراقي.....
- اعتذار بارد.... لم أغراضك و الله معك... هو متمتما (طــــــــــــــــــــــــــيــــــــــــــــــــّب)
الاشتراك في:
تعليقات الرسالة (Atom)
ليست هناك تعليقات:
إرسال تعليق